Qazaqstanda jattyqtyrýshylardyń kásibı biligin arttyrýdy yntalandyrý úshin olardyń jalaqysy kóteriledi, dep habarlaıdy Egemen.kz.
Atap aıtqanda, 2020 jyldan bastap sporttyq baǵyttaǵy pedagog qyzmetkerlerdiń jalaqysy jyl saıyn 25%-ǵa ósip otyrdy. Bul ósim 2024 jylǵa qaraı 100%-ǵa jetti. Bul – 2019 jylǵy 2 qyrkúıektegi Qazaqstan halqyna Joldaýda berilgen tapsyrmalardy oryndaý aıasynda júzege asyrylǵan.
Sonymen qatar, 2022 jyldan bastap dene shynyqtyrý jáne sport salasy qyzmetkerleriniń – jattyqtyrýshylar, ádiskerler, nusqaýshylar jáne t.b. mamandardyń – bazalyq eńbekaqysy da 4 jyldyq kezeń ishinde turaqty ósip keledi. 2025 jyly bul kórsetkish 100%-ǵa jetti.
Budan bólek, jattyqtyrýshy-pedagogterdiń kásibı biliktiligin arttyrýǵa yntalandyrý maqsatynda qosymsha ústemaqy engizý jumysy bastaldy. Atap aıtqanda, ulttyq standarttarǵa saı oqý-jattyǵý prosesin júrgizip, arnaıy biliktilik testinen ótken jattyqtyrýshylarǵa 2026 jyldan bastap aı saıynǵy laýazymdyq jalaqysynyń 30%-y kóleminde qosymsha aqy tóleý kózdelip otyr.