II Dúnıejúzilik soǵys jyldarynda Soltústik Qazaqstan oblysynyń aýmaǵynda evakýsııalanǵan alty gospıtal ornalastyrylǵan. Petropavl qalasyndaǵy qazirgi Ǵabıt Músirepov kóshesindegi zıratta sol gospıtaldarǵa jetkizilgen 447 qyzylásker aýyr jaradan qaza taýyp, jerlengen. Olardyń basyna aty-jónderi jazylǵan belgiler ornatylǵan.
Jergilikti bılik soǵys jyldarynda gospıtalǵa jetkizilgen jaýyngerlerge barlyq jaǵdaıdy týǵyzý týraly arnaıy qaýly qabyldaǵan. Gospıtaldarǵa III rangili áskerı dáriger Adamov, II rangili áskerı dáriger Kýnıskıı jáne t.b. basshylyq jasaǵan. Sonyń ishinde №3813 gospıtalde kontýzııa alyp, psıhonevrologııalyq soqqyǵa ushyraǵan jaralylar bolǵan. Olarǵa arnap, kóńilderin kóterý úshin gospıtal qyzmetkerleri jáne jumystan bosaǵan ánshiler men mýzykanttar konsertter de qoıyp otyrǵan.