Medısına men tehnologııanyń toǵysqan tusynda jańa býynnyń batyl qadamy erekshe kózge túsedi. AQSh-tyń Dallas qalasynda turatyn Sıddart Nandıala esimdi jasóspirim – sonyń aıqyn dáleli. Jasy nebári on tórtte bolsa da, Nandıala júrek aýrýlaryn erte anyqtaıtyn «Circadian AI» atty mobıldi qosymsha jasap shyǵarǵan.
Bul – qarapaıym smartfonnyń mıkrofony arqyly júrek qaǵysyn nebári 7 sekýnd ishinde jazyp alyp, jasandy ıntellektiniń kómegimen júrek aýrýyn 96% dáldikpen anyqtaıtyn ınnovasııalyq joba. Eń qyzyǵy, bul úshin arnaıy medısınalyq qural-jabdyq, sym nemese dárigerdiń kómegi qajet emes. Sıddart Nandıala – «Oracle» men «ARM» kompanııalarynan jasandy ıntellekt salasy boıynsha resmı sertıfıkat alǵan álemdegi eń jas maman.