Jýyrda qaladaǵy dámhanalardyń birinde mekeme qyzmetkerlerin balaǵattaǵan 45 jastaǵy er adamnyń jeke basy anyqtalyp, ustaldy, dep jazady Egemen.kz.
Qoǵamdyq tártipti buzyp, usaq buzaqylyq qylǵany úshin ol ákimshilik jaýapkershilikke tartylyp, sot qaýlysymen 5 táýlikke ákimshilik qamaýǵa alyndy.
«Kez kelgen janjaldy jaǵdaı zań sheńberinde sheshilýi kerek. Balaǵattaý, qorqytý, agressııa ádil sheshimge ákelmeıdi, kerisinshe máseleni ýshyqtyrady. Biz azamattardy zań talaptaryn saqtaýǵa, kelispeýshilikter týyndaǵan jaǵdaıda quzyrly organdarǵa habarlasýǵa shaqyramyz», dedi, Almaty qalasy Almaly aýdandyq polısııa Basqarmasynyń bastyǵy Maqsat Pshan.