Memleket basshysy Qasym-Jomart Toqaev eldegi birlik pen teńdiktiń, turaqtylyq pen tynyshtyqtyń rámizine aınaldy dep baǵa bergen Qazaqstan halqy Assambleıasy otyz jyldyq tolaıym tarıhty eńserip, jańa múmkindikter men jetistikter kezeńine jol tartty.
Ortaq múdde men kózqaras, tatýlyq pen toleranttylyq jolynda uzaq jylǵy jınaqtalǵan tájirıbe men janqııarlyq eńbek bolashaqta da alǵa qoıǵan maqsattarǵa jetkizerine senim mol. Prezıdent aıtqandaı, bul jolda kún saıyn kózge kórinbeıtin, birden nátıje bermeıtin, alaıda uzaqmerzimdi, strategııalyq turǵydan tıimdi, aýqymdy jumys júrgizip jatqan QHA múshelerine úlken jaýapkershilik artylady. Olardyń birqataryn Memleket basshysy Assambleıa sessııasynda arnaıy marapattaǵany belgili.
«Jaqsy sóz – jarym yrys» degendeı, ulysty uıystyrar etnosaralyq kópir mindetin atqaryp kele jatqan Qazaqstan halqy Assambleıasynyń ilkimdi isterine qatysty aıtylyp jatqan izgi tilek kóp.