Kókshetaý qalasynda aýyz sýdyń azaby týraly másele kóterilgeli qashan. Táýligine 30 myń tekshe metr sýdy tazalaı alatyn qurylǵylar qaıta jańǵyrtylýda. Áıtse de istiń qarqyny oıdaǵydaı emes.
Búgingi tańda zerthana ǵımaratynyń qurylys-montaj jumystary aıaqtalyp, qajetti jabdyqtar jetkizilgen. Jobaǵa ústimizdegi jyly oblystyq bıýdjetten 800 mıllıon teńgeden astam qarajat bólindi. Jańa nysandy iske qosqan kezde oblys ortalyǵy turǵyndarynyń aýyz sýǵa degen suranysy tolyq qanaǵattandyrylmaq. Aýyz sý Shaǵalaly sý qoımasynan alynady. Endi túıtkildi másele týraly túıinin tarqatyp aıta ketelik.
Merdiger uıym jumysty mamyr aıyna deıin aıaqtaımyz dep ýáde bergen. Qala basshylary da taza sýǵa qaryq bolasyzdar degen ýádeli sózin aıtqan. Alaıda, kesilgen merzim maýsym aıyna shegerildi. Shaǵalaly sý qoımasynan alynatyn sýdyń bir tekshe metri 2 teńge bolsa, Sergeev sý qoımasynan alynatyn sýdyń quny 312 teńgeni quraıdy. Baǵa aıyrmashylyǵy qoımalardyń qashyqtyǵyna baılanysty.
Taıaýda oblys ákimi Marat Ahmtjanov joba 1 maýsymǵa deıin aıaqtalmasa, merdiger uıym «Caspian Contractors Trust» jaýapkershiligi shekteýli seriktestigin aı saıyn shamamen 135 mıllıon teńge kóleminde shyǵyn aıyrmasyn tóleýge mindettedi.
Kókshetaý.