Soltústik Koreıa alǵash ret óz áskeriniń Reseıge jiberilgenin resmı túrde rastady. Bul týraly 28 sáýir kúni Koreıanyń Ortalyq telegraf agenttigi (KCNA) málimdedi, dep habarlaıdy Egemen.kz.
Phenıan resmı túrde ásker jiberý týraly sheshimdi KHDR basshysy Kım Chen Yn qabyldaǵanyn jáne bul sheshim Soltústik Koreıa men Reseı arasyndaǵy keshendi strategııalyq seriktestik týraly kelisimge negizdelgenin habarlady. Kım Chen Yn Phenıanda KHDR sarbazdarynyń erlikterine arnalǵan eskertkish ornatylatynyn da málimdegen.
Aıta keteıik, Soltústik Koreıa Máskeýdiń Ýkraınadaǵy soǵysyna qoldaý kórsetý maqsatynda shamamen 14 myń sarbaz jibergen. Alaıda urys alańynda kóp shyǵyn bolǵandyqtan, Phenıan Reseıge qosymsha 3 myń jaýynger jóneltken.
Reseı prezıdenti Vladımır Pýtın 28 sáýir kúni Soltústik Koreıa sarbazdarynyń Kýrsk oblysyndaǵy urystarǵa qatysýyna alǵash ret pikir bildirip, Kım Chen Ynǵa jáne Soltústik Koreıa halqyna rızashylyǵyn bildirdi.