Bul – óńirdegi ekinshi ortalyq, alǵashqysy byltyr Taldyqorǵanda iske qosylǵan. Jańa nysan «Januıa» otbasyn qoldaý ortalyǵymen birge ornalasqan. Eki ortalyqqa ortaq kólik bólingen. Munda zeınetkerlerdiń belsendi ómir saltyn ustanýyna, densaýlyqtaryn nyǵaıtýyna, shyǵarmashylyq jáne sporttyq sharalarǵa qatysýyna jaǵdaı jasalǵan, dep jazady Egemen.kz.
Oblys ákimi Beıbit Isabaev ardagerlermen kezdesip, Alakól men Kóksý aýdandarynda da osyndaı ortalyqtar ashylatynyn aıtty. Ol aǵa býynnyń ómirlik tájirıbesi men qoǵamdyq ómirge qosqan úlesiniń mańyzyn atap ótti.
Sondaı-aq, ákim 2023 jyly ashylǵan Sarqan qalasyndaǵy «Januıa» ortalyǵynyń jumysymen tanysty. Munda turmystyq zorlyq-zombylyq kórgen nemese qıyn jaǵdaıǵa tap bolǵan azamattarǵa áleýmettik, quqyqtyq jáne psıhologııalyq kómek kórsetiledi. Qajet bolǵan jaǵdaıda bir aıǵa deıin ýaqytsha turý múmkindigi qarastyrylǵan. Bıyl ortalyqqa 24 ótinish kelip túsken.
Oblysta jalpy 7 «Januıa» ortalyǵy jumys isteıdi, bıyl Aqsý, Eskeldi jáne Kóksý aýdandarynda da ashylady. Bul bastama «AMANAT» partııasynyń 2023–2027 jyldarǵa arnalǵan baǵdarlamasy aıasynda júzege asýda.