Osydan 40 jyl buryn Helsınkı qorytyndy aktisine qol qoıylǵan Helsınkıdegi «Fınlıandııa Holl» atty tarıhı kongress saraıynda Iаdrolyq terrorızmmen kúres jónindegi jahandyq bastamanyń (IаTKJB) jalpy otyrysy ótti. Aýqymdy halyqaralyq sharaǵa Qazaqstannyń Fınlıandııadaǵy elshisi Ǵalymjan Qoıshybaev bastaǵan qazaqstandyq delegasııa qatysty.
Is-sharaǵa IаTKJB-ǵa qatysýshy memleketter, bastamanyń teń tóraǵalary (AQSh, Reseı), baqylaýshylar men bes halyqaralyq uıymnyń 200-ge jýyq ókili qatysty.
Qazaqstan jahandyq bastamany ıadrolyq qarýdy taratpaýdy nyǵaıtý men lańkestik qaýipterge qarsy turýdyń mańyzdy bóligi dep esepteıdi. Bizdiń memleket bul bastamaǵa alǵashqy memleketterdiń biri retinde qosyldy.
Terrorıstik uıymdardyń ıadrolyq qarýlarǵa, onyń bólshekterine, tehnologııasyna jáne radıoaktıvti materıaldaryna qol jetkizý jónindegi umtylystary barlyq adamzat qaýymy úshin úlken qaýip-qaterler týdyrýda, sondyqtan da IаTKJB bastamasy óziniń ózektiligin saqtap qalýda.
Qazaqstan jappaı qyryp-joıý qarýlaryn taratpaý jáne halyqaralyq lańkestikpen kúres jónindegi bastamalarǵa belsendi qatysýshy retinde onyń jumysyna zor úles qosýda. Atap aıtqanda, 2007 jyly 11-12 shilde kúnderi Astanada IаTKJB-nyń úshinshi kezdesýi, al 2010 jyly qyrkúıekte Iаdrolyq terrorızmmen kúres jónindegi jahandyq bastamanyń terrorızmdi qarjylandyrýǵa qarsy turý jónindegi konferensııasy ótti.
Iаdrolyq terrorızmmen kúres jónindegi jahandyq bastamanyń jalpy otyrysynda qatysýshy memleketter qurylymnyń sońǵy eki jylda atqarǵan jumystaryn qorytyndylaı kele, IаTKJB-nyń jańa maqsattary men bastamalyq mindettemelerine qol jetkizý úshin jan-jaqty járdem kórsetetinderin jáne olardy júzege asyrý úshin tyǵyz yqpaldasatynyn taǵy bir márte qýattady.
«Egemen-aqparat».