Shymkent jáne Stıveneıdj

qalalary baýyrlastyq qatynastarynyń 25 jyldyǵyna oraı sharalar ótti Jaqynda Ońtústik Qazaqstan oblysy delegasııasynyń Ulybrıtanııaǵa sapary boldy. Sapar Shymkent jáne Stıveneıdj qalalarynyń arasynda baýyrlastyq qatynastardyń ornatylǵanyna 25 jyl tolýyna oraı jáne saýda-ekonomıkalyq yntymaqtastyqty keńeıtý maqsatynda ótkizildi. Sapar barysynda qa­zaq­standyq delegasııa Stı­ve­neıdj qalalyq keńesi­niń tóraıymy Sharon Teı­lor­men, qala basshysy Skott Krad­gıngtonmen jáne Stra­tegııalyq damý departa­men­tiniń dırektory Mettıý Par­trıdjben kezdesti. Qazaqstan delegasııa­sy, sonymen birge, Harfordshır Graftyǵynyń bıznes-konferensııasyna qatysyp, Oń­tústik Qazaqstan obly­sy­nyń ekonomıkalyq jáne ınves­tı­sııalyq múmkin­dik­terin ta­nystyrdy. Bıznes-konfe­rensııa barysynda Harford­shır Graftyǵynyń saýda-óner­kásip palatasynyń basshysy Iolanda Raggpen, UKTI-CATBIG tóraǵasy Pı­ter Lınd­seı­men jáne brı­tan­dyq bir­qa­tar kompanııa ókil­derimen yn­ty­maq­­tas­­tyq­tyń naqty joldary talqylandy. Qazaqstandyq delegasııa tájirıbesi Ońtústik Qa­zaq­stan oblysyndaǵy tehno­lo­gııalyq parkterdi jetildi­rýge qoldanýǵa bolatyn «Bio­Park» damý jáne zertteýler ortalyǵyna úlken qyzy­ǵý­shylyq tanytty. Ortalyqta ǵylymı-tehnıkalyq zert­teýler júrgizip, ekono­mı­kanyń túrli sektoryna ınnovasııalyq tehnologııalar jasaýmen jáne engizýmen aınalysatyn álemniń 50-ge tarta kompanııasy jumys isteıdi. Delegasııa, sonymen qatar, Harfordshır ýnıversıtetiniń jańa dári-dármek jasaý­men jáne qol­da­nýmen shuǵyl­danatyn far­ma­sevtıkalyq zert­hanasyn aralap kórdi. Kelissóz­der barysynda zert­hana bas­shy­lyǵynyń Shym­kent qalasyna saparyn uıym­dastyrý jáne «Seıitbek áýleti» JShS zerthanashylaryn Har­ford­shır ýnıversıtetinde taǵy­­lymdamadan ótkizý jónin­de ýaǵdalastyqqa qol jet­ki­zildi. Sapar barysynda týrızm jáne sport salasyndaǵy ynty­maqtastyq máselelerine erekshe kóńil bólindi. Delegasııa «Stıveneıdj» fýtbol klýbyna jáne Harfordshır baıdarka keshenine baryp, baıdarka jáne kanoede eskek esýden 2012 jylǵy Olımpıada chempıony Eten Stottpen kezdesti. Ońtústik Qazaqstan obly­synyń delegasııasy, sony­men qatar, London qala­synda bolyp, «United King­dom Export and Finance» (UKEF), «United Kingdom Trade and Investment» (UKTI) agent­tikteriniń ókilderimen jáne brı­tandyq birqatar kompanııa basshylyǵymen kezdesýler ótkizdi. Sonymen birge, Man­chester qalasyna sapar jasap, qala basshylyǵymen júzdesti jáne birqatar ónerkásip nysandaryn aralady. «Egemen-aqparat».