ASTANA. 20 maýsym. Belarýs prezıdenti Aleksandr Lýkashenko Qazaqstan Prezıdenti Nursultan Nazarbaevty eki el arasyndaǵy dostyq qarym-qatynastyń jáne strategııalyq yntymaqtastyqtyń damýyna qosqan qomaqty úlesi úshin «Halyqtar dostyǵy» ordenimen marapattady. Bul týraly Belarýs prezıdentiniń resmı portalyna silteme jasaǵan «QazAqparat» habarlady.
Lýkashenko sáıkes Jarlyqqa 19 maýsym kúni qol qoıdy.
«Halyqtar dostyǵy» ordeni Belarýstiń joǵary memlekettik nagradalarynyń biri. Bul ordenmen beıbitshiliktiń nyǵaıýyna, elder arasyndaǵy dostyq qarym-qatynastyń jáne strategııalyq yntymaqtastyqtyń damýyna, halyqtar dostyǵy men ulttyq mádenıetterdiń úılesim tabýyna úles qosqan azamattar marapattalady.
Elaman Qońyr.
Derek: «QazAqparat».
Sýret: wikipedia.org.