Búgin elordada «Beıbit aspan astynda» atty aýqymdy qoǵamdyq-mádenı is-shara uıymdastyryldy. Soǵys erligin jas urpaqqa jetkizý, jaýyngerlik dástúrdi jalǵastyrýǵa baǵyttalǵan is-shara - Uly Otan soǵysynyń batyrlary men tyl eńbekkerleriniń eren eńbegine jáne janqııarlyq erligine qurmet, dep jazady Egemen.kz.
Ashyq aspan astyndaǵy konserttik baǵdarlamada qazaqstandyq ánshiler, mýzykalyq jáne bı ujymdary óner kórsetip, soǵys jyldarynyń ánderi shyrualyp, bı qoıylymdary men balalar spektaklderi sahnalandy.
«Estelik qabyrǵasy» – arhıvtik fotosýretter men maıdan hattarynyń biregeı kórmesi;
Ashyq aspan astyndaǵy kınoteatr – soǵys týraly fılmderdiń ashyq aspan astynda kórsetilimi;
Interaktıvti alańdar: 1940-jyldar stılindegi fotobýdka, beıbitshilik pen Jeńis taqyrybynda orıgamı jáne sýret salý sheberhanalary;
«Bizdiń batyrlar» ımmersıvti ınstallıasııalar men sıtı-laıttar – qazaqtyń uly jaýyngerleriniń obrazdary qonaqtardyń erekshe yqylasyna ıe boldy.
«Búgingi mereke keremet ótýde. Jyly ári jaıly atmosfera boldy. Biz balalarymyzben keldik. Jas urpaq ata-ájeleriniń jáne atalardyń erligin bilýi, este saqtaýy kerek. Olardyń erligi – halyq tarıhy. Uıymdastyrýshylarǵa jáne Astana ákimdigine úlken alǵys», dedi konsertti tamashalaǵan Jumaǵulovtar otbasy.
Baǵdarlamada urpaqtar sabaqtastyǵyna erekshe mán berildi. Is-sharaǵa maıdan ardagerleri, qoǵamdyq birlestikter ókilderi, oqýshylar men stýdentter qatysty. Jastar úshin Qazaqstan tarıhy týraly arnaıy dárister men sheberlik sabaqtary ótkizildi, bul tarıhı jaýapkershilik pen patrıottyq sanany qalyptastyrýǵa mańyzdy qadam boldy.