Infraqurylym – aýyl halqynyń ál-aýqatyn arttyrýdyń basty tetigi. Memleket basshysy Qasym-Jomart Toqaev óziniń Joldaýlarynda aýyldyq eldi mekenderdiń damýyna erekshe mán berip keledi. Prezıdent tapsyrmasyna sáıkes, halyqtyń ómir súrý sapasyn arttyrý, aýyldardy taza aýyz sýmen, sapaly jolmen qamtamasyz etý – memlekettik saıasattyń negizgi baǵyttarynyń biri bolyp otyr.
2025 jyldyń 1 mamyryna deıingi málimet boıynsha, aýdanǵa qarasty 44 aýylda turatyn 24 380 adamnyń ishinde 36 aýyldyń (22 074 adam) turǵyndary sapaly aýyz sýmen qamtylǵan. Bul – jalpy kórsetkishtiń 90,5%-y. Olardyń ishinde 17 aýylda (18 039 adam) ortalyqtandyrylǵan sý júıesi iske qosylsa, 16 aýyl (3 170 adam) ákelinetin sý arqyly jumys isteıtin taratý pýnktterimen jabdyqtalǵan. Taǵy 3 aýyldyń (3,5%) taratý pýnkter jumys istep turǵan qubyrlardan sýmen qamtamasyz etilýde.
Qazirgi tańda Novoshýmnoe men Lesnoe aýyldarynda qurylys-montajdaý jumystary jalǵasýda.
Jol-kólik ınfraqurylymyn jaqsartý da Memleket basshysynyń tapsyrmalaryna saı júzege asyrylyp keledi. 2024 jyly aýdandyq mańyzdaǵy 12 jol ýchaskesinde (jalpy uzyndyǵy 44,15 km) ortasha jáne aǵymdaǵy jóndeý jumystary júrgizilip, sý ótkizý qubyrlary aýystyryldy. Al 2025 jyly 115,9 shaqyrym aýdandyq joldy jóndeý josparlanyp otyr.
Kóshe-jol jelisi boıynsha da jumys qarqyndy. О́tken jyly 13 eldi mekendegi 22 kóshe (20,2 km) jóndeýden ótti. Bıyl taǵy 6 aýylda jalpy uzyndyǵy 19,7 km bolatyn 11 kóshege aǵymdaǵy jóndeý júrgiziledi.
Bul jumystar – Prezıdent tapsyrmalaryna sáıkes, aýyldaǵy ómir sapasyn arttyrý baǵytyndaǵy naqty qadamdar. Olar aýyl turǵyndarynyń turmysyn jaqsartyp qana qoımaı, óńirdiń áleýmettik-ekonomıkalyq damýyna serpin beredi.