Ulttyq statıstıka bıýrosy 2025 jyldyń birinshi toqsanyndaǵy Qazaqstandaǵy jumysshylardyń eńbekaqysy týraly málimetterdi jarııalady, dep habarlaıdy Egemen.kz.
Ulttyq statıstıka bıýrosynyń málimetinshe, keıbir salalarda qyzmetkerlerdiń aılyǵy bir jarym mıllıon teńgege deıin jetken.
Eń joǵary jalaqy – 1 434 506 teńge – qarjy jáne saqtandyrý salasyndaǵy kómekshi qyzmet túrlerinde jumys isteıtinderge tólengen.
Sondaı-aq kelesi salalarda ortasha jalaqy 1 mıllıon teńgeden asyp túsken:
Kompıýterlik baǵdarlamalaý, keńes berý jáne basqa da IT-qyzmetter – 1 329 063 teńge
Jyljymaıtyn múlikti satý – 1 248 068 teńge
Basqarý máseleleri boıynsha keńes berý – 1 176 893 teńge
Qubyr arqyly tasymaldaý qyzmeti – 1 055 692 teńge
Saqtandyrý, qaıta saqtandyrý jáne zeınetaqymen qamsyzdandyrý (mindetti áleýmettik qamsyzdandyrýdan tys) – 1 045 041 teńge
Teńiz jáne jaǵalaý júk tasymaly – 1 042 752 teńge
Áýe jolaýshylar tasymaly – 1 032 605 teńge
Sý kóligi qyzmeti – 1 026 145 teńge
Jalpy áýe kóligi qyzmeti – 1 022 311 teńge
Bul kórsetkishter eldegi keıbir salalarda mamandardyń joǵary suranysqa ıe ekenin, sondaı-aq eńbek naryǵynyń belgili bir baǵyttarda belsendi damyp jatqanyn kórsetedi.