Qasym-Jomart Toqaev mártebeli meımanǵa iltıpat bildirip, Armenııa Parlamenti Spıkeri Alen Sımonıannyń sapary ekijaqty yntymaqtastyqty tereńdetý turǵysynan mańyzǵa ıe ekenin aıtty. Prezıdent ózara yqpaldastyqty ilgeriletýge zań shyǵarýshy organdar tarapynan jan-jaqty qoldaý kórsetilýi qajet dep sanaıdy, dep habarlaıdy Egemen.kz Aqordanyń baspasóz qyzmetine silteme, jasap.
Memleket basshysy Armenııany Qazaqstannyń Ońtústik Kavkaz aımaǵyndaǵy senimdi seriktesi retinde atady.
Qasym-Jomart Toqaevtyń aıtýynsha, búginde qazaq-armıan qarym-qatynasy kóptegen baǵyt boıynsha josparǵa saı damyp keledi. Buǵan turaqty saıası dıalog, saýda-ekonomıkalyq jáne mádenı-gýmanıtarlyq baılanystar yqpal etip otyr.
Alen Sımonıan qonaqjaılyq tanytqany úshin Memleket basshysyna jáne Qazaqstan halqyna shynaıy yqylasyn jetkizdi. Ol ekijaqty dıalogtyń basty tetikteriniń biri retinde parlamentaralyq yqpaldastyqty nyǵaıtý men senimdi saıası seriktestik ornatýdyń máni zor ekenine toqtaldy.
Sondaı-aq Ulttyq jınalys tóraǵasy Armenııa Respýblıkasynyń Qazaqstanmen ekonomıkalyq baılanystardy jandandyrýǵa múddeli ekenin atap ótti. Onyń pikirinshe, ózara saýda-sattyq kólemin arttyrýǵa yqpal etetin naqty sharalardy qolǵa alý kerek.
Armıan tarapy oraıly sátti paıdalana otyryp, Qazaqstannyń Armenııa men Ázerbaıjan arasynda beıbitshilik ornatýǵa kúsh salǵany úshin alǵys aıtty.
Qasym-Jomart Toqaev pen Alen Sımonıan eki eldiń ál-aýqaty men órleýi jolynda qazaq-armıan qarym-qatynasyn jan-jaqty nyǵaıtýǵa beıil ekenin rastady.