«Túrkistan saqshylary» – JI jemisi

Ol «Túrkistan saq­shy­­lary» týyndy­syn daıyn­­daý barysy­n­da   «ChatGPT», «RunwayML», «Kling Ai», «Hydra AI», «Eleven­Labs» syndy JI baǵdar­la­mala­rynyń kómegine júgin­gen. Mýlt­fılmniń basty keıipker­leri retinde Aqpan­ter – barys, Altynqanat – qyran, Tasbatyr ata – ǵasyr jasaǵan aqyl­góı tasbaqa beıneleri tańdal­ǵan. To­lyq­qandy 3D formattaǵy mýlt­fılm sıýjeti elimizdiń rý­ha­nı ordasyn qasań oı, teris áre­ket­terden qorǵaý tóńireginde órbıdi.

IT mamannyń anımasııada­ǵy bul aıtýly jańalyǵy –  sala kókjıegin keńeıtýdiń tyń tásili. Jalpy, mýltfılm «ınemen qudyq qazǵandaı» eńbekpen jasalatyny barshaǵa aıan. Al jasandy ıntellekt anımasııadaǵy aýyr­dy jeńildetip, mıllıonda­ǵan qarjyny qaltada qaldyrýǵa oń úles qosa alady. JI-diń jetildirilgen nusqasyn kádege jaratqan Ǵasyr Quralbaıuly bastamany júzege asyrýǵa túrt­ki bolǵan oı men jasandy zerde­niń qazaq tilin qanshalyqty meńger­genin tarqata aıtty.

«ChatGPT»-diń keıingi jańar­týynan soń qalyń oı qushaǵynda qaldym. Buryn ǵalymdardyń bola­shaqta  kınoteatrlarda JI arqyly jasaǵan mýltfılm, kınolardy ǵana kóremiz degenine tańyr­qaı qaraıtynmyn. Osy ıdeıa­ny basshylyqtyń qaperine salyp, elimizde qazaq tilinde bi­rinshi bolyp JI arqyly mýlt­fılm jasap shyǵarýdy usyndym. Oǵan «Turkistan» telearnasynyń basshylyǵy qoldaý bildirip, aqyly JI jazylymdaryna  qarjy bóldi. Osydan keıin iske kirisip, «Túrkistan saqshylaryn» jaryqqa shyǵardyq», dep atap ótken ol mýltfılmniń basty keıipkerleri retinde barys, qyran tekten-tek tańdalmaǵanyn aıtty.

«Barys pen qyran elimizdiń «Qyzyl kitabyna» engen. Son­dyqtan erekshe qasterleımiz. Bir jaǵynan, týymyzda  beınelengen qyrandy nasıhattaýdy da kózdedik. Aldaǵy ýaqytta shyǵarǵaly otyrǵan 10 serııa Túrkistan óńiriniń ómirimen tyǵyz baılanysty keıipkerlermen tolyǵady. Menińshe, bolashaqta mıllıondaǵan aqshaǵa 6–7 aılap mýltfılm jasaıtyn dáýir bas­tan kóshedi. JI arqyly kez kelgen ýaqytta ár keıipkerdi ózgerte alamyz», dedi mýltfılm avtory.

Ǵasyr bul mýltfılmdi ja­saýǵa bas-aıaǵy 10 kúnin arnaǵan. Anımasııanyń saýndtregin aqyn Qural Kómek jazsa, keıipkerlerdi Túrkistan teatrynyń akterleri dybystaǵan. Avtordyń aıtýynsha, JI arqyly mýltfılm jasaý otandyq kontentke de serpilis beredi. Ol úshin jasandy zerdede qazaqtyń tól áripterin jıi qoldanyp, ony meńgerýine jumyla kirisken jón.

«Mýltfılmdi jasaý barysynda tól áripterimizdi beıneleýde  JI áli birden túsine qoı­maıtynyn ańǵardyq. Promtty túrlendirip nemese arnaıy dızaınmen bul kedergilerdi eńserýge tyrystyq. Keıde JI óziń qalaǵan áreket nemese mımıkany dóp bere almaı jatty. Sonda da bolashaqta promttar óńdelip, qaıta oqylyp, sapaly  beıneler shyǵatynyna senemin. Sondaı-aq jobany «Youtube» platformaǵa apta saıyn shyǵaryp, turaqty monetızasııaǵa qosylý avtorǵa –  paıda, oqyrmanǵa sapaly kontent bolmaq», dep atap ótti ol. 

«Túrkistan saqshylary» týyn­dysynan keıin oqýshylar ara­synda JI arqyly mýlt­fılm jasaýǵa qyzyǵýshylyq artqanyn jelide jazylǵan pi­kirlerden baıqadyq. Ǵasyr osy baǵytta jumys istegisi kele­­tinderge ıdeıa turǵysy­nan te­reńirek izdenip, álemdik, otan­dyq úzdik mýltfılmderdi kóbi­rek kórýge keńes berdi. Al eli­mizdegi  JI arqyly ja­salǵan tuń­ǵysh mýltfılmniń avtory munymen toqtap qalmaı, bala­lardyń boıyn­da ór rýhty oıatyp, qazaqy tálim-tárbıeni sińire­­tin birqatar sapaly mýlt­fılm shyǵarýdy josparlap otyr. Qazirdiń ózinde mýlt­fılm­niń 2-serııasy 4 mınýttan 12 mınýtqa kóbeıip,«Túrkistan­ǵa tóngen qarajeleń» ataýymen kórermenge jol tartyp úlgerdi.