Soltústik Qazaqstan oblystyq Aqan Seri atyndaǵy fılarmonııanyń ánshisi Dınara Taýsheva Prezıdent Q.Toqaevtyń qolynan Mádenıet qyzmetkerleri kúnine oraı «Eren eńbegi úshin» medalin aldy.
Bul ánshiniń oblysta mádenıetti damytýǵa sińirgen kóp jylǵy jemisti eńbegine berilgen úlken baǵa edi. Dınara Baqytqyzy joldasy Ashat Taýshev ekeýi kópten beri dýetpen án shyrqap, elimizdiń kóptegen aımaqtaryna tanymal bolǵan.
Bıylǵy qańtar aıynda olar Baký qalasynda ótken «Álemdik úılesim» («World Harmony») atty VII Halyqaralyq konkýrsqa qatysyp, Dınara Gran-Prı, al Ashat II dárejeli laýreat bolyp oraldy.
Oryndalýy kúrdeli operalardy shyrqaǵan ekeýi ádilqazylar alqasy men kórermenderdi tánti etken. Qazir ónerli jup Qyzyljar sahnasynyń gúline aınalǵan ataqty ánshiler.
PETROPAVL