Almatydaǵy «Ǵylym ordasynyń» qyzmetkerleri Tegeranǵa sapary barysynda ǵylymı, mádenı jáne arhıv salalaryndaǵy ózara seriktestikti nyǵaıtýǵa arnalǵan yntymaqtastyq kezdesýlerin ótkizdi.
«Ǵylym ordasy» respýblıkalyq memlekettik kásipornynyń bas dırektory Ular Muqajanov bastaǵan delegasııa Iran Islam Respýblıkasynyń astanasy – Tegeran qalasyndaǵy Malek ulttyq mýzeıi men kitaphanasyna at basyn burdy. 1937 jyly qajy Hýseın Malek negizin qalanǵan bul mekeme búginde Quds Razavı ortalyǵyna qaraıdy. Mýzeı men kitaphana sırek qoljazbalar men tarıhı jádigerlerdiń baı qoryna ıe. Sapar barysynda delegasııa músheleri mýzeıdiń qurylymy, kitap qoımasy jáne zerthanasymen tanysyp, aldaǵy ýaqytta birlesken is-sharalar uıymdastyrý máseleleri boıynsha kelisimge keldi.
Sondaı-aq Islam mádenıeti jáne qarym-qatynas uıymynda bolyp, ǵylymı, mádenı jáne bilim berý salalaryndaǵy yntymaqtastyq pen birlesken jobalardy talqylap, mádenı jáne ǵylymı qarym-qatynastardy odan ári keńeıtý máselelerin qarastyrdy.
Sapar aıasynda sonymen birge delegasııa músheleri sıfrlandyrý men restavrasııa salasynda mol tájirıbege ıe «Nýr» halyqaralyq mıkrofılmder ortalyǵy jumysymen tanysty. Taraptar restavrasııa jáne konservasııa salasyndaǵy daıyndyq kýrstaryn uıymdastyrý, kodıkologııalyq zertteýler júrgizý, sondaı-aq Almatyda yntymaqtastyq memorandýmyna qol qoıýǵa ýaǵdalasty.
ALMATY