Túrkistan oblysyndaǵy «Saıram-О́gem» memlekettik ulttyq tabıǵı parkiniń aýmaǵynda sırek kezdesetin Tıan-Shan qońyr aıýy fototuzaqqa túsip qaldy. Janýar sáýir aıynyń sońynda ornatylǵan beınequrylǵy arqyly tirkelgen, dep jazady Egemen.kz.
Mamandardyń aıtýynsha, Tıan-Shan qońyr aıýy Qazaqstannyń Qyzyl kitabyna engizilgen. Sońǵy jyldary atalǵan ulttyq parkte dál osy janýardyń sany birtindep artyp keledi.
Park ákimshiligi kelýshilerge qaýipsizdik sharalaryn saqtaýǵa keńes beredi. Sebebi bul aıý jyrtqysh ań sanatyna jatady. Qyzmetkerlerdiń aıtýynsha, týrıster aıýlarmen kezdesken jaǵdaıda sabyr saqtap, janýardy úrkitetin áreketterden aýlaq bolǵany jón.
Vıdeorolıkte eki qonjyq pen úlken qońyr aıý taýlardyń arasyn kezip júr.
Damıra Tólegen,
EUÝ, 2 kýrs stýdenti