Birinshi kezeńde jazýshy áli daralanbaǵan, tipti ol kez kelgen adam ispetti; onyń úni jeke tulǵalyqtan góri jalpyadamzattyq, bárine ortaq ún bolatyny anyq, dep jazady Egemen.kz.
Ekinshi kezeńde jazýshy ózine ustaz tańdaıdy; ol ustazyn ádebıetpen shatastyryp, oǵan uqsaýǵa tyrysady, óıtkeni odan aýytqý – ol úshin shynaıylyq pen aqyldan aýytqý bolyp kórinedi.
Úshinshi kezeńge ekiniń biri jete bermeıdi – bul sátte jazýshy ózin-ózi tabady. Bul shyǵys, kelt nemese german ańyzdaryndaǵydaı ózin kezdestirýmen teń. Ol óz beınesin, óz únin tabady.
Endi tórtinshi kezeń týraly aıtsaq bolar edi, biraq men oǵan áli jetken joqpyn, bálkim oǵan jetkender óte az shyǵar.
Taǵy qaıtalap aıtamyn: birinshi kezeńde jazýshy – kóptiń biri; ekinshi kezeńde – múlde basqa adam; úshinshi kezeńde – ózi; al tórtinshi kezeńde – ol qaıtadan kóptiń adamyna aınalady, biraq bul joly kemeline kelgen beınede.
Sondyqtan da Shekspırdiń jaqsy óleń joldary anyq Shekspırdiki, al eń keremet jyr joldary – endi oǵan tıesili emes. Olar kez kelgen halyqtyń, kez kelgen adamnyń jazǵanyndaı seziledi.
Aǵylshyn tilinen aýdarǵan
Dúısenáli Álimaqyn