Qazaqstanda alty jańa kásibı mereke resmı tizimge engizilýi múmkin. Bul týraly Eńbek jáne halyqty áleýmettik qorǵaý mınıstrligi usynǵan jańa buıryq jobasynda aıtyldy, dep habarlaıdy Egemen.kz.
Mınıstrliktiń jarııalaǵan qujatynda Qazaqstandaǵy kásibı merekeler tizbesine kelesi jańa ataýly kúnderdi qosý usynylǵan:
• Qazaqstan kásipkerleri kúni
• Qazaqstan qolóner sheberleri kúni
• Tabıǵı monopolııa qyzmetkerleri kúni
• Sanıtarııalyq-epıdemıologııalyq qyzmetkerler kúni
• Kadr qyzmeti mamandary kúni
• Qoǵamdyq tamaqtaný qyzmetkerleri kúni
Sondaı-aq Energetıkter kúnine qatysty ózgeris engizilmek. Buǵan deıin bul mereke jeltoqsan aıynyń úshinshi jeksenbisinde atalyp ótse, endi naqty kúni – 22 jeltoqsan bolyp belgilenýi múmkin.
Atalǵan buıryq jobasy qoǵamdyq talqylaýǵa shyǵarylǵan. Qujatqa qatysty pikirler men usynystardy 12 maýsymǵa deıin joldaýǵa bolady.Buǵan deıin Májilis depýtaty Kenjegúl Seıitjan Qazaqstanda Balalardy qorǵaý kúnine (1 maýsym) resmı memlekettik mereke mártebesin berip, bul kúndi demalys kúni retinde bekitýdi usynǵan bolatyn.
Sonymen qatar maýsym aıynda qazaqstandyqtardy qosymsha demalys kútip tur. 6 maýsym – juma kúni Qurban aıt meıramyna oraı resmı túrde demalys kúni bolyp bekitilgen.
Araılym MYRZAHAN, EUÝ 2 kýrs stýdenti