*Qazaqstanda jasalǵan!
Elimizdegideı Almaty oblysy, Talǵar aýdanynda da bıznesti damytýǵa teńdessiz jaǵdaı jasalǵany ras. Osy múmkindikti durys paıdalana bilsek, tabystyń qaınar kózi ashylady. Árıne, kiris kózi eken dep adam aǵzasyna zııandy ónimderdi arzan baǵamen bazarǵa shyǵarý uıat. О́rkenıetti elderdegideı halyqtyń densaýlyǵyna eshqandaı zalaly tımeıtin sapaly ónimmen naryqty jaýlaı alsańyz quba-qup.
Osydan 10 jyl buryn biz uıymdastyrǵan shaǵyn seh búginde «Baron» jaýapkershiligi shekteýli seriktestigine aınalyp, paıdalanýǵa jartylaı daıyndalǵan tushpara shyǵarýmen jalpaq jurtqa jaqsy tanys. Sebebi, ónim sapasyn arttyrý úshin arnaıy sharýa qojalyǵyn quryp onda úırek ósirip, qanaty qataıyp eti talapqa saı bolyp jetilgende soıyp, tońazytqyshtardy toltyramyz. Erekshe aıtarymyz, osy ónimdi óndiretin sehtaǵy qural-jabdyqtardyń barlyǵyn eýropalyq standartqa saı ózimiz jasap ornatamyz. Naqtylaı tússem, óndiris ornyna bir esikten kirgen temir úlkendi-kishili jáne uńǵymaly, jumyr, jalpaq bolyp keletin túrli qondyrǵylardan ótip, azyqtyq ónim óndiretin jabdyqqa aınalady.
Negizi 1994 jyly makoron ónimderin shyǵaratyn seh, 1997 jyly tehnologııalyq jabdyqtar jasaıtyn óndiris sehy, 2001 jyly azyq-túlik ónimderin shyǵarý jáne tehnologııalyq jabdyqtar óndirisi bolyp úlkeıip qurylǵan «Baron» JShS-inde bul kúnderi ónerkásiptik jabdyqtarmen daıyndalatyn azyq-túlik ónimderi óndiriledi. Úsh sala boıynsha qanatyn jaıǵan ujymda barlyǵy 175 adam eńbek etedi.
Kompanııanyń kirer esiginde germanııalyq «Schaller» fırmasynyń qondyrǵysy ár adamnyń sanıtarlyq tazalyǵy úshin qolynan bastap aıaq kıimine deıin tazalap turady. Árıne, óndiris ornynyń aýlasy kún saıyn jýylyp tazartylatyny taǵy bar. Bul degenimiz, medısınalyq jáne sanıtarlyq-epıdemıologııalyq talaptyń qatal saqtalýy bolyp tabylady. Mamandardyń kásibı biliktiligin kóterýge zor yqylas tanytatyn, ár maman tól mindetin kásibı turǵyda ári adal atqarýyn baqylap, tıisinshe talap qoıyp otyramyz. Sondyqtan, biz shyǵarǵan ónimimizdiń barlyq standarttarǵa sáıkes keletindigine kepildik beremiz.
О́ndirgen ónimimizge kúnnen-kúnge suranystyń artýynyń basty sebebi, birinshi kúnnen aldymyzǵa mindet retinde qoıyp, búginde qalyptastyryp alǵan dástúrimiz – senim men turaqtylyq dep bilemin. Sóz reti kelgende bıznesimizdi damytýǵa barlyq jaǵdaı jasap otyrǵan Elbasyna aıtarymyz tek alǵys.
Sergeı KALININ,
«Baron» JShS bas dırektory,
Almaty oblystyq
máslıhatynyń depýtaty.
Almaty oblysy,
Talǵar aýdany.