Qaıǵyly habardy onyń uly Evgenıı Kýbekov Facebook akkaýntynda jarııalady, dep jazady Egemen.kz.
«Keshe Ispanııanyń Býrgas qalasynda ákem Ibragım Kýbekov ómirden ótti. Jaqyndaryńyzdy qadirleńizder!» delingen habarlamada.
Ibragım Kýbekov – qazaqstandyq karıkatýrashy. Ol 1957 jyly Ýkraın KSR-iniń Voroshılovgrad qalasynda dúnıege kelgen. 1960-jyldardyń basynan bastap Almaty qalasynda turǵan. 1978–1982 jyldary Abaı atyndaǵy QazPI-diń kórkem-grafıka fakýltetinde bilim alǵan.
1980-jyldardyń sońynan bastap Ibragım Kýbekov shamamen qyryq jyl boıy gazet grafıkasy salasynda eńbek etken. Ol «Drýjnye rebıata», «Karavan», «Megapolıs», «Kovcheg», «Informbıýro» sekildi basylymdarǵa sharjdar men karıkatýralar jasap otyrǵan. Ibragım Kýbekov – búkilodaqtyq jáne halyqaralyq karıkatýra baıqaýlarynyń júldegeri ári qatysýshysy. Onyń eńbekteri respýblıkadaǵy iri mýzeıler men kórme zaldarynda qoıylǵan.
Alına QAIRATQYZY,
EUÝ 2-kýrs stýdenti