Ústimizdegi jyldyń aqpan aıynyń basynda Kóliktegi IID-niń esirtkige qarsy kúres basqarmasynyń qyzmetkerlerimen júrgizilgen jedel izdestirý sharalary barysynda Astana beketiniń temirjol vokzaly perronynda «Almaty-1-Astana» baǵytynda kelgen jolaýshylar poıyzynan túsken Almaty oblysy, Qaskeleń qalasynyń 28 jastaǵy turǵyny ustaldy.
Tekserý barysynda onyń qara tústi jol sómkesiniń ishinen aq tústi untaqty polıetılendi paket alynyp, tárkilendi. Saraptamanyń qorytyndysyna sáıkes, onyń jalpy salmaǵy 8 kılo 446 gramm bolatyn asa iri kólemdegi «geroın» esirtki zaty ekendigi anyqtaldy.
Tekserý kezinde kúdikti esirtki zatyn Almaty qalasynan Astana qalasyna deıin temirjol kóligimen tasymaldaýdy júzege asyryp, ol úshin aqshalaı syıaqy alýy kerek bolǵany belgili boldy. Sondaı-aq, qosymsha jedel izdestirý sharalaryn júrgizý barysynda Almaty qalasynda osy esirtki zatyn jóneltýshi ustaldy.
Olarǵa qylmystyq is qozǵaldy, dep habarlady Kóliktegi IID baspasóz qyzmeti.