Rámizder kúnine oraı, elordadaǵy turǵyn úıler «Týymyz – tórimizde!» aksııasy aıasynda Memlekettik týmen bezendirildi, dep habarlaıdy Egemen.kz Astana qalasy ákimdiginiń resmı saıtyna silteme jasap.
Atap aıtqanda, elordanyń alty aýdanynda 500-den astam tý ortalyq kóshelerdegi úılerdiń balkondary men qasbetterine ilindi. Bul kóshelerge Respýblıka dańǵyly, Baýyrjan Momyshuly dańǵyly, Máńgilik El jáne Turan dańǵyldary, R. Qoshqarbaev kóshesi, sondaı-aq «Túrkistan» turǵyn úı keshenindegi №34 úı jáne t.b. jatady. Aksııa «Jastar rýhy» jastar qanatynyń belsendileriniń qoldaýymen ótti.
Eske sala keteıik, QR memlekettik rámizderin ornalastyrý erejelerine sáıkes, azamattar patrıottyq sezimdi bildirý jáne ulttyq jetistikterdi qoldaý maqsatynda óz úıleriniń balkondaryna nemese qasbetterine memlekettik týdy ilýge quqyly. Alaıda bul rette belgilengen standarttardy saqtaý qajet. Iаǵnı, Tý jyrtylmaýy, tozbaýy tıis, ony shegemen qaǵýǵa, qaıshymen kesýge jáne basqa da ruqsat etilmegen áreketter jasaýǵa bolmaıdy.
Alına QAIRATQYZY,
EUÝ 2-kýrs stýdenti