«Jumyspen qamtýdyń jol kartasy-2020» baǵdarlamasyn iske asyrý sheńberinde 2011 jyldan beri jumyspen qamtýǵa yqpal etýdiń belsendi sharalarynyń arqasynda 461 myń adam eńbekke tartyldy. Bul jumyssyzdyq deńgeıine oń áser etti, 2014 jylǵy 3-toqsannyń qorytyndysy boıynsha ol 5,0%-dy qurap, 2010 jylmen salystyrǵanda 0,8 %-ǵa tómendedi.
Bul jóninde keshe Prezıdent janyndaǵy Ortalyq kommýnıkasııalar qyzmetinde ótken «2015 jyly áleýmettik kepildikterdi jáne jumyspen qamtý deńgeıin saqtaý týraly» taqyrybyndaǵy brıfıngte Densaýlyq saqtaý jáne áleýmettik damý mınıstri Tamara Dúısenova málimdedi.
Elbasynyń 11 aqpandaǵy keńeıtilgen otyrysta Úkimetke júktegen úsh negizgi tapsyrmasy, ıaǵnı, birinshiden, azamattardy jumyspen qamtý, ekinshiden, azamattardyń tabysynyń deńgeıin tómendetpeý, úshinshiden, memlekettiń ózine alǵan áleýmettik mindettemelerin oryndaý máselesi ekendigin aıta kele, mınıstr halyqty jumyspen qamtamasyz etýge jáne jumyssyzdyqtyń ósýin boldyrmaýǵa baǵyttalǵan sharalardy úılestirý úshin Úkimet birneshe is-áreketter algorıtmin ázirlegenin habarlady.
Atap aıtar bolsaq, ol birinshi kezekte óndiristerdiń toqtaýyna jol bermeý jáne jumyskerlerdiń jumystan bosaýyn boldyrmaý. Bul tusta Tamara Dúısenova óńir ákimderimen birlesip, turaqty negizde qala quraýshy jáne iri kásiporyndarǵa monıtorıng júrgiziletinin kóldeneń tartty. Onyń aıtýynsha, bul problemalyq máselelerge shuǵyl túrde den qoıyp, olardy sheshý sharalaryn qabyldaýǵa múmkindik beredi.
Sondaı-aq, ol jyldyń basynda 161 myń adam jumys isteıtin 114 kásiporynǵa monıtorıng júrgizilgendigin qosa aıtty. Al osy jyldyń aqpan aıynyń basynda Úkimet músheleri óńirlerge baryp, iri kompanııalardyń basshylarymen, kásipodaqtarmen jáne oblystardyń, Almaty jáne Astana qalalarynyń ákimderimen kezdeskenin naqtylady. Sol jumys saparlary aıasynda jumys berýshilermen, kásipodaqtarmen jáne ákimdermen 102 memorandýmǵa qol qoıyldy, bul 259 myń jumys ornyn saqtap qalýǵa septigin tıgizedi. Búgingi tańda barlyǵy shamamen 19 myńdaı memorandýmǵa qol qoıyldy, dedi mınıstr.
Jáne de ekinshi másele, jumyssyzdarǵa, ózin ózi nátıjesiz jumyspen qamtyǵandarǵa da qatysty jumyspen qamtýdyń belsendi sharalaryn qabyldaý mindetteri turǵandyǵyn atap ótti. Sonymen qatar, ol Memleket basshysynyń tapsyrmasy boıynsha, qazirgi kezdegi ekonomıka jaǵdaılarynda «Jumyspen qamtýdyń jol kartasy-2020» baǵdarlamasyn jandandyrýdy eskere otyryp, barlyq óńirlerde halyqty jumyspen qamtýdyń keshendi josparlary qabyldanatynyn aıtty. Al úshinshi – tartylatyn jumys kúshiniń qurylymyn ońtaılandyrý boıynsha jumys júrgiziledi eken.
Elmıra MÁTIBAEVA,
«Egemen Qazaqstan».