Búgin ekologtardyń kásibı merekesi kúni sala mınıstri Erlan Nysanbaev ekologııa salasynyń ardagerleri men úzdik qyzmetkerlerine vedomstvolyq nagradalar, qurmet gramotalaryn jáne alǵys hattar tabystady, dep habarlaıdy Egemen.kz.
Qorshaǵan ortany qorǵaýǵa jáne ekologııalyq bastamalardy damytýǵa qosqan eleýli úlesi úshin ekologtar, tabıǵatty qorǵaý, vedomstvolyq baǵynysty uıymdardyń qyzmetkerleri jáne qaldyqtardy óńdeý salasyndaǵy bıznes ókilderi marapattaldy.
Bıyl elimizde ekologtar kúni alǵash ret keńinen atalyp ótip jatyr. Mınıstrlik málimetinshe Qazaqstan boıynsha 50-den astam aýqymdy is-sharalar uıymdastyrylady. Bul – ekosaǵattar, kórmeler, plener master-klasstar, senbilikter, sýret baıqaýlary, saıabaqtar men skverlerdiń ashylýy jáne t.b.