«Qazposhta» AQ «Shámshi álemi» qoǵamdyq qorynyń bastamasymen kompozıtor Shámshi Qaldaıaqovqa arnalǵan alǵashqy poshta markasyn shyǵardy. Bul aıtýly oqıǵanyń tusaýkeseri Almaty qalasynda Ulttyq rámizder kúni qarsańynda ótti.
Marka kompozıtordyń 95 jyldyq mereıtoıyna oraı shyǵarylyp, Sh.Qaldaıaqovtyń óz dáýirindegi kórnekti mýzykant retindegi aıryqsha rólin aıqyndaıdy. Jobanyń avtory jáne marka dızaıny tujyrymdamasynyń ıdeıa negizin usynǵan – qordyń atqarýshy dırektory Botagóz Qaldaıaqova. Poshta markasynyń dızaıneri – Raýan Abaıqyzy Haırolla.
«Poshta qyzmeti» fılıalynyń poshta tólem belgileri basqarmasynyń bastyǵy Aıjan Karımhanqyzy Omarovanyń aıtýynsha: «Marka shekteýli taralymmen shyǵarylǵan, ony erkin satylymnan tabý ońaı emes. Fılatelıster arasynda bul markanyń sırek kezdesetin qundy dúnıe retinde joǵary baǵalanatyny sózsiz».
2025 jyly qor kompozıtordyń mereıtoıyna oraı birneshe mańyzdy is-shara ótkizýdi josparlap otyr. Solardyń biri de biregeıi, ulttyq mýzyka mádenıetin damytýda mańyzdy ról atqarǵan talantty kompozıtorǵa arnalǵan týǵan poshta markasynyń jaryqqa shyǵýy.
ALMATY