Keshe palata Spıkeri Qabıbolla Jaqypovtyń tóraǵalyǵymen Májilis bıýrosy ótip, onda aldaǵy jalpy otyrystyń kún tártibi naqtylandy, dep habarlady osy palatanyń baspasóz qyzmeti.
Halyq qalaýlylary nazaryna tabıǵı monopolııalar men retteletin naryqtar máseleleri boıynsha zańnamalyq túzetýler jobasy ekinshi oqylymda usynylady. Sondaı-aq, jalpy otyrysta Halyqaralyq áýe tasymaldarynyń keıbir qaǵıdalaryn birizdendirýge arnalǵan konvensııany ratıfıkasııalaý týraly zań jobasy qaralmaq.
Sonymen qatar, kún tártibi jobasy aıasynda birqatar ratıfıkasııalyq qujattar boıynsha, atap aıtar bolsaq, Qazaqstan men Qytaı arasyndaǵy Tótenshe jaǵdaılardyń aldyn alý jáne olardy joıý salasyndaǵy yntymaqtastyq týraly kelisimdi ratıfıkasııalaýǵa, Qazaqstan men Reseı arasyndaǵy Qazaqstan Respýblıkasyna munaı jáne munaı ónimderin jetkizý salasyndaǵy saýda-ekonomıkalyq yntymaqtastyq týraly kelisimge jáne Qazaqstan-О́zbekstan memlekettik shekarasy arqyly ótkizý pýnktteri týraly kelisimge ózgerister engizýge qatysty zań jobalaryna qatysty beıindi komıtetterge qorytyndy ázirleý merzimi taǵaıyndalmaq.