1970 jyly paıdalanýǵa berilgen Astana sý qoımasynyń túbin shógindilerden tazartý jumystary bastaldy, dep jazady Egemen.kz.
Atalǵan sý qoımasynan bıylǵy qazan aıynyń sońyna deıin 50 myń tonna laı shyǵarý josparlanǵan, mundaı jumys – 13 jyl boıy, ár jyl saıyn júrgizilmek. Nátıjesinde sý qoımanyń syıymdylyǵy 47 mln tekshe metrge artyp, elorda turǵyndaryn sýmen qamtamasyz etýdi jaqsartýǵa múmkindik beredi.
Sala mınıstrliginiń qoldaýymen «Qazsýshardyń» Aqmola oblysyndaǵy fılıaly júrgizip jatqan sý qoımasyn tazartýǵa arnaıy eki tehnıka jumyldyrylǵan: saǵatyna 2000 tekshe metrge deıin túrli shógindilerden tazartatyn úlken jersnarıad jáne qýaty saǵatyna 900 tekshe metrge deıin jetetin kópfýnksıonaldy ári ózdiginen júretin shaǵyn jersnarıad.
«Prezıdenttiń tapsyrmasyn oryndaý úshin arnaıy mamandar toby quryldy. Barlyq qyzmetker arnaıy tehnıkamen jumys isteý úshin qajetti oqytýdan jáne daıyndyqtan ótti. Astana sý qoımasy – elordany sýmen qamtamasyz etýde mańyzdy ról atqaratyn strategııalyq nysan. Zamanaýı tehnıkanyń arqasynda biz bul sý qoımasyn jarty ǵasyrdan keıin alǵash ret tazartyp, jumysty jaqsy ári tıimdi atqara alamyz», dedi sala mınıstri Nurjan Nurjigitov.