Belgili jýrnalıst, pýblısıst Maqsot Izimuly 65 jasqa qaraǵan shaǵynda dúnıeden ótti. Qaraly habardy áriptesi, qalamger Maqsat Táj-Murat jetkizdi, dep jazady Egemen.kz.
Maqsot Izimuly uzaq jyldar boıy buqaralyq aqparat quraldarynda jemisti eńbek etti. Ol «Oral óńiri», «Ana tili», «Temirjolshy – Jeleznodorojnık», «Arýana» syndy basylymdarda, sondaı-aq «Zerde», «Jalyn» jýrnaldary men «Qazaq ensıklopedııasy» redaksııasynda qyzmet atqarǵan. «Arys» baspasynyń bas redaktory jáne «Astana aqshamy» gazetiniń ádebı redaktory bolǵan.
Maqsot Izimuly — «Aıaqtalmaıtyn áńgime» jáne «Bederindeı kesteniń» atty prozalyq jınaqtardyń avtory. 2004 jyly onyń shyǵarmasy QR Mádenıet jáne aqparat mınıstrliginiń tapsyrysymen jaryq kórgen «Naryq naqyshtary» antologııasyna engen.
Jýrnalıstıka men ádebıetke ózindik qoltańbasyn qaldyrǵan qalamgerdiń jarqyn beınesi el jadynda saqtalady.
Janel TО́LEÝBEKOVA, EUÝ stýdenti