Búginde otandyq ádebıettiń eń kóp oqylatyn ári oqyrmannyń iriktelgen 100 kitabyn anyqtaýǵa arnalǵan jalpyulttyq saýalnama júrip jatqanyn bilemiz. Osy oraıda el astanasynda Ulttyq quryltaı músheleri men zııaly qaýymnyń, qoǵam qaıratkerleri men oqyrmannyń qatysýymen taqyryptyq is-shara ótip, aldyn ala qorytyndy jarııa etildi. Qazirgi ýaqytta saýalnamaǵa 16 myńnan astam azamat qatysqan.
Qazaqstan qoǵamdyq damý ınstıtýtynyń málimetinshe, daýys berý 23 shildege deıin jalǵasady. Otandyq avtorlardyń eń kóp oqylatyn 100 týyndysy 10 tamyz – Abaı kúni usynylady.
Aıta keteıik, atalǵan joba Ulttyq quryltaı músheleriniń usynysy boıynsha bekitilgen Ulttyq kitap kúni bastaý aldy. Prezıdent Qasym-Jomart Toqaev atalǵan bastamaǵa qoldaý bildirip, qoǵamda kitap oqý mádenıetin damytýdyń, sondaı-aq kitaptardyń qoljetimdiligin qamtamasyz etýdiń mańyzyn aıtyp keledi.
Is-shara barysynda sóz alǵan Májilis depýtaty, Ulttyq quryltaı múshesi Aıdos Sarym bul bastama ádebı talǵamnyń qalyptasýyna yqpal etip qana qoımaı, elimizdegi kitap óndirisine baıypty baǵdar beretinin atap ótti.
«Eger osy saýalnama nátıjesi boıynsha biz belgili bir kitaptardyń barlyq jerde barynsha kóp oqylatynyn biletin bolsaq, atalǵan týyndylardy qaıta basyp shyǵarýǵa, nasıhattaýǵa jáne dáripteýge múmkindik beredi. Mundaı saýalnamalar – beıbereket aqparat aǵymyna qarsy turýdyń, ádebıetke turaqty jáne ǵylymı negizdelgen talǵam qalyptastyrýdyń bir joly. О́zge memleketterdegi sekildi, ýaqyt óte kele óz qundylyǵyn joǵaltpaıtyn kitaptar tizimi jasalady. Biz qoǵamdy ne tolǵandyratynyn, jastardyń, aǵa býynnyń qaı janrdy unatatynyn uǵyna alamyz. Bul jaı ǵana tizim emes, bul – dáýir aınasy», dedi ol.
Aıdos Sarymnyń aıtýynsha, aralyq qorytyndy ártúrli jastaǵy azamattardyń, ártúrli tilde sóıleıtin toptardyń talǵamyna taldaý jasaýǵa múmkindik beredi. Sondaı-aq mundaı zertteýler baspagerlerge qandaı kitaptar suranysqa ıe jáne ne nársege nazar aýdarý kerek ekeni týraly málimet usynady. Joba qazirdiń ózinde mańyzdy mádenı oqıǵaǵa aınaldy. Sonyń kómegimen bolashaqta aýqymdy áleýmettik-mádenı zertteýler júrgizýge bolady.
Aıta keteıik, «100 kitap» jobasy aıasynda qatysýshylardy yntalandyrý máselesi de qarastyrylǵan. «100 kitap» jobasynyń seriktesi – «Meloman-MARWIN» dúkender jelisiniń qoldaýymen 9000, 10000 jáne 16000-daýys berýshige syılyq kartalary tabystaldy. Bul qadam oqyrmanǵa erekshe syı ǵana emes, halyq súıip oqıtyn 100 kitapty tańdaýǵa azamattardy barynsha kóp tartýǵa qosymsha ynta boldy. Máselen, 9000-daýys berýshi – astanalyq Júsip Amantaı, 10000-qatysýshy – qaraǵandylyq Ásel Kóshen, al 16000-azamat – aqtóbelik Gúljan О́tegenova.
Iá, «Amanat» partııasy kitap oqý mádenıetin ilgeriletýge belsendi atsalysyp keledi. 2023 jylǵy qyrkúıek aıynan bastap partııa «Kitap-Amanat» jobasyn qolǵa alyp, sonyń aıasynda el aýmaǵynda, ásirese shaǵyn qalalar men aýyldarda 23 kitap ortalyǵy ashyldy. Onda ádebı keshter, jazýshylarmen kezdesýler, túrli baıqaý ótedi. Barlyǵy 700-den astam is-shara uıymdastyryldy. Kitaptar naryq baǵasynan tómen baǵamen satylady.
Jalpyulttyq saýalnamaǵa ár azamat «eGov Mobile» mobıldik qosymshasy arqyly daýys berip, on kitapqa deıin tańdaý jasaı alady. Eń bastysy, shyǵarmanyń ataýy men avtoryn da kórsetý qajet.