«Samuryq-Qazyna» Ulttyq ál-aýqat qory sońǵy jyldary turaqty qarjylyq ósimdi kórsetip keledi. Bul týraly Qor basshysy Nurlan Jaqypov Astanada ótken Qor qyzmetiniń aralyq qorytyndylaryna arnalǵan brıfıng barysynda málimdedi, dep habarlaıdy Egemen.kz.
Nurlan Jaqypovtyń aıtýynsha, 2021–2024 jyldar aralyǵynda Qordyń negizgi qarjylyq kórsetkishteri mynadaı deńgeıde ósken:
Tabys – orta eseppen jyl saıyn 12%-ǵa artty; EBITDA – 7%-ǵa ósti; Taza paıda – 13%-ǵa ulǵaıdy.«Álem boıynsha ekonomıkalyq turaqsyzdyq jaǵdaıynda munaı baǵasynyń arzandaýyna qaramastan, 2024 jyldyń qorytyndysy boıynsha Qor tobynyń taza paıdasy 2,4 trln teńge boldy. Bul 2023 jylǵy kórsetkishten 39%-ǵa joǵary», dedi Jaqypov.
Sondaı-aq, 2021 jyldan bastap aktıvterdiń ortasha jyldyq ósimi 11%-dy qurap, 2024 jyldyń sońynda Qordyń jalpy aktıvteri 41 trln teńgege jetken.
Jaqypovtyń aıtýynsha, bul jetistikter strategııalyq basqarýdyń tıimdi júzege asyrylyp jatqanyn, qarjylyq tártiptiń saqtalǵanyn jáne ınvestısııalyq jobalardyń birizdi oryndalǵanyn dáleldeıdi.