Atalǵan mekemege tabıǵı monopolııalar týraly zańnamany buzǵany úshin qosymsha 18,3 mln teńge kóleminde ákimshilik jaza qoldanylǵan. Budan buryn da fılıalǵa 61,3 mln teńge kóleminde aıyppul salynǵan bolatyn. Osylaısha, jalpy ákimshilik aıyppul somasy 79,6 mln teńge boldy, dep habarlaıdy Egemen.kz Tabıǵı monopolııalardy retteý komıtetiniń Qyzylorda oblysy boıynsha departamentiniń málimetine súıene otyryp.
Buǵan deıin Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý komıteti tarapynan fılıal qyzmetinde anyqtalǵan zańbuzýshylyqtar týraly aqparat jarııalanǵan edi. Atap aıtqanda, rettelip kórsetiletin qyzmetterge qosylýǵa tehnıkalyq sharttar berý kezinde fılıal tutynýshylardan zańnamada kózdelmegen qosymsha talaptar qoıyp, qujattar talap etken. Bul áreketter tutynýshylardyń quqyqtaryn jáne zań normalaryn buzý retinde tanyldy.
Qazir Qyzylorda oblysy boıynsha komıtet departamenti men fılıal arasyndaǵy sot prosesteri aıaqtalyp, fılıaldyń kinási dáleldendi. Ákimshilik aıyppuldar tolyq kólemde tólenip, memleket bıýdjetin tolyqtyrdy.