ASTANA. 14 aqpan. Qazaqstan Prezzıdenti Nursultan Nazarbaev Ýkraına Prezıdenti Petr Poroshenkomen telefon arqyly sóılesti. Bul týraly Aqordanyń baspasóz qyzmeti habarlady.
Memleketter basshylary Ýkraına daǵdarysyn retteýge baılanysty ótken Mınsk kezdesýiniń qorytyndylaryn talqylady.
Ýkraınanyń ońtústik-shyǵysyndaǵy qaqtyǵysty beıbit jolmen retteý úderisin ilgeriletýge qosqan jeke qomaqty úlesi úshin Nursultan Nazarbaevqa alǵys aıtqan Ýkraına Prezıdenti osy baǵytta odan ári qaraı kúsh-jiger jumsaı berýin ótindi.
P.Poroshenko Ýkraına jaǵy oq atýdy belgilengen ýaqytta toqtatatynyna sendire otyryp, ekinshi jaqtyń da osylaı áreket etýi qajet ekendigine nazar aýdardy.
Qazaqstan Prezıdenti qaqtyǵysyp jatqan taraptar Mınsk kelisiminde qabyldanǵan keshendi sharalardyń múltiksiz oryndalýyn qamtamasyz etkeni mańyzdy ekenin aıtty. Búkil álem osyny kútip otyr.
Telefon arqyly sóılesýge Ýkraına jaǵy bastamashy boldy.