ATYRAÝ. 14 aqpan. Atyraý oblysynyń eki turǵyny Reseıdiń Volgograd qalasynda kólik ishinde qaıtys boldy. Bul týraly egemen.kz tilshisi habarlady.
Aldymen bul aqparatty reseılik baspasóz quraldary taratqan edi. «Komsomolskaıa parvda v Volgograde» gazetiniń habarlaýynsha, oqys oqıǵa 6 aqpan kúni bolǵan. Sol kúni qorapty «Gazel» kóliginiń salonynan 27 jastaǵy júrgizýshi jigit pen 20 jasar jolaýshy qyzdyń deneleri tabylǵan. Ekeýiniń de Atyraý qalasynyń turǵyny ekeni anyqtalǵan.
Atyraýlyq turǵyndar Volgogradqa «Iаmaha» motosıklin satyp alýǵa barǵanǵa uqsaıdy. О́ıtkeni, kóliktiń qorabyna atalǵan markili motosıkli tıelipti. Atyraý turǵyndary izdegen zaty tabylǵannan keıin Atyraýǵa qaraı jolǵa shyqpas buryn uıyqtap alýdy kózdegen bolýy múmkin. Sol kezde kóliktiń tehnıkalyq aqaýlyǵynan gazǵa ýlanýy jónindegi boljam teriske shyǵarylmaı otyr. «Bul oqys oqıǵa retinde tirkeldi. Marqumdardyń týystary Atyraý qalalyq ishki ister basqarmasyna Volgogradtaǵy sot-medısına sarapshylary shyǵarǵan qorytyndyny usynyp, qaıtys bolǵany jóninde anyqtama surady. Qorytyndy marqumdar denelerinde kúshteý, zorlyqpen óltirý izderi anyqtalmaǵany aıtylmaǵan», dep habarlady Atyraý oblystyq ishki ister departamentiniń baspasóz hatshysy Gúlnazıra Muhtarova.
Joldasbek Shópeǵul.
Derek: egemen.kz.
Sýret: favorit-service.ru.