Astrahan aýdany prokýratýrasynyń taldaý nátıjeleri boıynsha alıment tólemegen boryshkerler qylmystyq jaýapkershilikke tartyldy. Bul týraly oblystyq prokýratýranyń baspasóz qyzmeti habarlady, dep jazady Egemen.kz.
2025 jyldyń tórt aıynda aýdan prokýratýrasynyń aralasýynan keıin kámeletke tolmaǵan balalardy asyraýǵa alıment tóleýden ádeıi jaltarǵan 3 boryshkerge qatysty Qazaqstan Respýblıkasy Qylmystyq Kodeksiniń 139-baby boıynsha qylmystyq ister tirkeldi.
Mysaly, boryshker 2015 jyldan bastap ákimshilik jaýapkershilikke tartylǵannan keıin ózi úshin tıisti qorytyndy jasamaı, beıresmı jumysqa ornalasý arqyly naqty kiristerin jasyrǵan.
Sot úkimimen ol kináli dep tanylyp, 250 saǵatqa qoǵamdyq jumystarǵa tartý túrindegi jaza taǵaıyndaldy.
Alıment mindetterin oryndamaý túbi osyndaı qylmystyq jaýapkershilikke ákep soǵady. Alımentti ýaqytyly jáne tolyq tóleý – ár ata-ananyń paryzy. Kámeletke tolmaǵandardyń quqyqtaryn qorǵaý prokýratýranyń turaqty qadaǵalaýynda bolady.
Aqmola oblysy