AQTО́BE. 15 aqpan. Aqtóbede oqýshylar arasynda konkımen syrǵanaýdan qalalyq jarys ótkizildi. Bul týraly egemen.kz tilshisi habarlady.
Jarysty uıymdastyrýdyń basty maqsaty óskeleń urpaqqa salaýatty ómir saltyn ustanýdy nasıhattaý, sporttyń adam densaýlyǵyna mańyzy zor ekenin túsindirý, sondaı-aq qysqy sport túrlerin odan ári damytýǵa qozǵaý salý bolyp tabylady. Saıystyń ashylýyna Aqtóbe qalasy ákiminiń orynbasary Aıgúl Arynǵazıeva qatysyp, qatysýshylarǵa sáttilik tiledi.
Jarysqa jeti komandaǵa toptastyrylǵan júzden astam jas konkıshi qatysty. Qazir oblys ortalyǵynda konkı sportyna qyzyǵýshylyq artyp keledi. Qalada túrli deńgeıdegi 25 muz aıdyny jumys isteıdi.
Aqtóbe qalalyq dene tárbıesi jáne sport bóliminiń basshysy Evgenıı Goncharovtyń aıtýynsha, bolashaqta qysqy sport túrlerin damytý úshin shaharda muz saraıyn salý qarastyrylýda, ázirge ákimdik tarapynan osy nysandy qarjylandyrýǵa yntaly kásipkerlermen kelissózder júrgizilýde eken. Sondaı-aq naýryz aıynda mánerlep syrǵanaýdan jarys uıymdastyrý kózdelýde.
Satybaldy Sáýirbaı.
Derek: egemen.kz.
Sýret: total.kz.