AQTО́BE. 15 aqpan. Aqtóbede belsendi jastar jemqorlyqqa qarsy aksııa ótkizdi. «Mega Aqtóbe» saýda ortalyǵynda ótken osy sharaǵa 120-dan astam qyz-jigit qatysty. Bul týraly egemen.kz tilshisi habarlady.
Oblystyq jastar saıasaty máseleleri basqarmasynyń baspasóz qyzmeti málimdegendeı, Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti, sondaı-aq oblystyq jastar saıasaty máseleleri basqarmasynyń muryndyq bolýymen ótkizilgen aksııada turǵyndarǵa jemqorlyqtyń qoǵam damýynyń jegi qurty ekeni túsindirildi. Aqtóbedegi jastar uıymdary men oqý oryndarynyń belsendi ókilderi atsalysqan fleshmob aıasynda kelýshilerge jemqorlyq derekteri jazylǵan túrli paraqshalar taratylyp, onymen betpe-bet kezdesken jaǵdaıda qaıda habarlasýǵa bolatyndyǵy jaıly aqparattar berildi.
Satybaldy Sáýirbaı.
Derek: egemen.kz.
Sýret: inform.kz.