AQSh prezıdenti Donald Tramp Izraıl men Iran arasyndaǵy 12 kúnge sozylǵan qarýly qaqtyǵystyń aıaqtalǵanyn jáne tolyq atysty toqtatý týraly kelisimge qol jetkizilgenin jarııalady. Bul týraly ol dúısenbi kúni keshke Truth Social platformasynda jazdy, dep habarlaıdy Egemen.kz.
Tramptyń aıtýynsha, atysty toqtatý kezeń-kezeńimen júzege asady:
Alǵashqy 6 saǵat ishinde taraptar barlyq áskerı operasııalaryn toqtatady; 12 saǵattan keıin Izraıl tolyq beıbit rejımge qosylady; 24 saǵat ishinde atysty tolyq toqtatý kelisimi kúshine enedi.Iran tarapy katarlyq jáne amerıkalyq usynysqa kelisken. Alaıda Izraıl úkimeti resmı túrde eshqandaı pikir bildirmegen. Buǵan qaramastan, Izraıldiń soǵysty toqtatýǵa daıyn ekeni týraly aqparattar Vashıngtonǵa jetkizilgeni belgili boldy.