Qazaqstan Respýblıkasynyń Qarjy naryǵyn retteý jáne damytý agenttigi «BıEnKeı Kommersııalyq banki» AQ-na bank operasııalaryn júrgizýge lısenzııa berdi, dep habarlaıdy Egemen.kz.
Bank Ońtústik Koreıanyń BNK Financial Group Inc. qurylymyna kiretini habarlandy – bul aktıvteri 106,2 mlrd AQSh dollarynan asatyn halyqaralyq qarjy holdıngi.
Sheteldik banktiń ashylýy – Memleket basshysynyń 2023 jylǵy qyrkúıekte Qazaqstan halqyna Joldaýynda aıtylǵan, elge senimdi sheteldik bankterdi tartý jáne bank sektoryndaǵy básekelestikti arttyrý jónindegi tapsyrmasynyń oryndalýyna sáıkes keledi.
Bul – Qazaqstanda 2010 jyldan beri berilgen alǵashqy bank lısenzııasy.
BNK Banki ámbebap sıfrlyq qyzmetterdi damytýǵa, shaǵyn jáne orta bıznesti nesıeleýge jáne avtonesıeleýge basymdyq beredi.
Qaıta qurý sátindegi uıymnyń aktıvteri 25,8 mlrd teńgeni, al nesıe portfeli – 21,8 mlrd teńgeni qurady.
2024 jyldyń qorytyndysy boıynsha bul uıym aktıvter kólemi jaǵynan mıkrokarjylyq uıymdar arasynda 15-oryndy ıelendi.