Premer-mınıstr Oljas Bektenov Kólik mınıstrligi ujymyna Memleket basshysynyń Jarlyǵymen taǵaıyndalǵan vedomstvonyń jańa basshysy Nurlan Saýranbaevty tanystyrdy, dep habarlaıdy Egemen.kz.
Tanystyrý barysynda Nurlan Saýranbaevtyń kólik salasyndaǵy tájirıbesi atap ótildi. Premer-mınıstr Memleket basshysynyń mınıstrlik ujymy aldyna qoıyp otyrǵan basym mindetterdi atap ótti. Sonyń ishinde, Qaýipsizdik keńesi otyrysynda berilgen tapsyrmalardy eskere otyryp, ınfraqurylymdyq jobalardy júzege asyrý sheńberinde porttardy, logıstıkalyq habtardy, halyqaralyq avto jáne temirjol dálizderin damytý qajet.Sondaı-aq avtojol salasyn damytýǵa, ásirese iri jobalardyń júzege asyrylý sapasyn baqylaýǵa nazar aýdarý tapsyryldy.Avıasııa salasynda basym mindetter qatarynda ınfraqurylymdy jańǵyrtý, áýejaılar salý jáne rekonstrýksııalaý, halyqaralyq baǵyttar jelisin keńeıtý, sondaı-aq jalpy maqsattaǵy avıasııany damytý atap ótildi.