Premer-mınıstr Oljas Bektenov qytaılyq «Hýnan Szıýnsın Hýanbao» kompanııasynyń dırektorlar keńesiniń tóraǵasy Daı Daogomen kezdesý ótkizdi. Onda «jasyl» energetıka jáne qaldyqtarmen jumys isteý salasyndaǵy yntymaqtastyq perspektıvalary talqylandy, dep habarlaıdy Egemen.kz Úkimettiń baspasóz qyzmetine silteme jasap.
«Hýnan Szıýnsın Hýanbao» – Qytaıdyń jasyl tehnologııalar salasyndaǵy kóshbasshylarynyń biri. Kezdesý barysynda qaldyqtardy qaıta óńdeý boıynsha birlesken ınvestısııalyq jobalardy júzege asyrý perspektıvalary qaraldy.
Premer-mınıstr Memleket basshysy Qasym-Jomart Toqaevtyń ekologııalyq jańǵyrtý men ornyqty damýdyń mańyzdylyǵyna basa nazar aýdaryp otyrǵanyn atap ótti. Qazaqstan «jasyl» transformasııany memlekettik saıasattyń negizgi basymdyqtarynyń biri retinde qarastyrady. Búgingi tańda elimizde Waste to Energy tetigi boıynsha jobalardy júzege asyrý úshin qajetti quqyqtyq baza bar. Úkimet osy saladaǵy halyqaralyq tehnologııalyq kompanııalarmen yntymaqtastyqqa ashyq.
Kezdesý qorytyndysy boıynsha taraptar odan ári ózara is-qımylǵa múddeliligin jetkizdi jáne seriktestik qatynastardy keńeıtý áleýetin atap ótti.