Elimizde otbasy qurǵanyna bes jyldan aspaǵan juptar úshin jeńildetilgen ıpoteka berý bastamasy qolǵa alynǵan. «Jas otbasy» dep atalatyn baǵdarlama aıasynda erli-zaıyptylar jyldyq 5 paıyzdyq mólsherlememen baspana satyp ala alady. Bul jobany «Otbasy bank» júzege asyrady, dep jazady Egemen.kz.
Baǵdarlamaǵa qatysý úshin neke qıylǵanyna 5 jyldan aspaýy tıis. Jubaılardyń jasy mańyzdy emes. Joba sheńberinde páter nemese úı satyp alýǵa, úı salýǵa jer alýǵa, jóndeý jumystaryna nesıe rásimdeýge bolady. Qaryz somasy 100 mıllıon teńgege deıin jetedi. Ipotekanyń bastapqy mólsherlemesi – 6 paıyz, keıin 5 nemese 3,7 paıyzǵa deıin tómendetiledi.
Aldymen baǵdarlama boıynsha arnaıy depozıt ashý qajet. Buǵan deıingi jınaq esepke alynbaıdy, tek jańadan ashylǵan shot jaramdy. Eki jubaıdyń da shot ashýǵa quqyǵy bar, biraq keıin shottar biriktirilýi tıis.
Ipoteka alý úshin úsh talap bar: depozıtke keminde bir jyl aqsha salyp otyrý; úı qunynyń 50 paıyzyn aldyn ala jınaý; baǵalaý kórsetkishi (OP) 5 baldan kem bolmaýy kerek. Alǵashqy kezeńde aralyq qaryz beriledi, keıin ol turǵyn úı nesıesine aýysyp, paıyz tómendeıdi.