XIX ǵasyrdyń sońynda Ońtústik Afrıkanyń Keıptaýn portyndaǵy temirjolda Edvın Ýaıd esimdi sıgnal berýshi jumys istepti. Oqys oqıǵa saldarynan Edvın eki aıaǵynan aıyrylǵan. Keıin ol bazardan Djek esimdi maımyldy satyp alyp, oǵan óz jumysyn tolyqtaı úıretipti.
Birde temirjol basshylyǵyna janýardyń jumys istep júrgeni týraly shaǵym túsip, Ýaıdty jumystan shyǵarý máselesi kóteriledi. Alaıda ol Djektiń qabiletin tekserýdi suraıdy. Tekseris kezinde maımyl-qyzmetker barlyq tapsyrmany múltiksiz oryndapty. Sol sebepti ony basshylyq resmı qyzmetker retinde jumysqa alǵan. Osylaısha, Djek ómiriniń sońyna deıin sıgnal berýshi jumysyn abyroımen atqaryp shyǵypty.