Elimizdiń áleýmettik jobasyn iske asyrý sheńberinde jasaqtalǵan «Salamatty Qazaqstan» medısınalyq poıyzy Qostanaı oblysynyń «Denısovka» stansasyna keldi.
Ártúrli beıindegi 30 medısına qyzmetkerinen turatyn komanda quramynda terapevter, hırýrgter, pedıatrlar, kardıologter, nevropatologter, LOR dárigerleri, oftalmologter, stomatologter, gınekologter, ýrologter, psıhologter jáne fýnksıonaldyq dıagnostıka mamandary bar. Sondaı-aq emdelýshilerge EKG, flıýorografııa, gastroskopııa, zerthanalyq zertteýler de qoljetimdi. Qajet bolsa, shaǵyn hırýrgııalyq em-dom jasaýǵa múmkindikteri bar. Marshrýtpen qamtylǵan eldi mekenderdiń turǵyndary medısınalyq saqtandyrýdyń bolýyna qaramastan tegin keńes pen dıagnostıkalyq tekserýler jasata alady.
Bul jobanyń maqsaty – aýyl turǵyndaryn sapaly jáne qoljetimdi medısınalyq kómekpen qamtamasyz etý. Joba Densaýlyq saqtaý mınıstrliginiń, «Samruk-Kazyna Trust» qorynyń, sondaı-aq Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń qoldaýymen iske asyrylyp otyr.
Poıyz «Denısovka» stansasynda birneshe kún aıaldaıdy, odan soń marshrýt boıynsha Qostanaı oblysynyń basqa aýdandaryna saparyn jalǵastyrady.