Aqtóbe óńirinde 10 tamyz - Abaı kúninde barlyǵy 35 ul men qyz dúnıege keldi. Onyń ekeýi uly oıshyl Abaı esimimen ataldy.
Búgin jas analar Aızana men Aqgúldi nárestelerin dúnıege ákelgen kúnimen quttyqtaý úshin qala ákiminiń orynbasary Áset Oralbaev perzenthanaǵa bardy. Shahar basshysynyń atynan dombyra syıǵa tartty.
«Abaı kúni qarsańynda dúnıege kelgen perzentterińiz – rýh pen danalyqtyń, úmit pen nurdyń belgisindeı. Uly oıshyldyń ónegesimen, halqymyzdyń asyl murattarymen sýsyndap, júregi meıirimge, sózi parasatqa toly, eline súıikti azamat bolyp óssin!» – dep ol.
Abaılardyń birinshisi tańǵy 5:15-te, al ekinshisi Abaı Abaıbekuly eki saǵattan keıin - 7:00-de dúnıe esigin ashqan. Bir qyzyǵy, ekeýi de - tuńǵysh.
«Esimim - Aızana. Búgin Aqtóbe perınataldyq ortalyǵynyń aqhalatty abzal jandarynyń arqasynda tuńǵyshymyzdy dúnıege ákeldim. Esimin aqyn Abaıdyń 180 jyldyq toıyna oraı, otbasymyzdyń sheshimimen Abaı dep atadyq. Abaıdyń ákesi Abaıbek 155 jyldyǵynda týylǵanyn aıtqym keledi. 25 jyldan keıin taǵy bir Abaı ómirge keldi. Qýanyshymyzǵa ortaqtasyp jatqan halqymyzǵa alǵysym sheksiz. Uldarymyz eline eleýli, halqyna qalaýly azamat bolyp óssin», - dep jas ana qýanyshymen bólisti.
Aıtyp óteıik, búgin Abaı kúninde aqtóbelik dárigerler 21 ul men 14 qyz balanyń týylyna sebepker boldy.