2025 jyldyń basynan beri Qazaqstandaǵy turǵyn úı naryǵynda baǵalar áli de ósip keledi, biraq shilde aıynda qarqyny birshama báseńdedi, dep jazady Egemen.kz.
Halyk Finance analıtıkalyq ortalyǵynyń málimetinshe, jeti aıda jańa páterlerdiń baǵasy orta eseppen 7,1%-ǵa, al ekinshi naryqtaǵy turǵyn úı 6,3%-ǵa qymbattady.
Jańa turǵyn úıler ishinde eń kóp qymbattaǵan qala – Pavlodar. Munda jyl basynan beri birden 18,9%-ǵa ósken. Degenmen, shilde aıynda baǵa ózgermegen. Páterdi jalǵa alý quny bolsa, asa qatty sekirmeı, 2,3%-ǵa ǵana kóterildi. Sarapshylar bıylǵy jyldyń sońyna deıin baǵa qaıtadan jedel ósedi dep boljaıdy.
Ekinshi naryqta jaǵdaı ártúrli. Mysaly, Qaraǵandyda jyl basynan beri baǵa 0,1%-ǵa, Qonaevta 1%-ǵa tómendegen. Al Almatyda kerisinshe turaqty ósim bar. 17%-ǵa qymbattady. El boıynsha ortasha ósim 6,3% shamasynda, bul salystyrmaly túrde baıaý qarqyn sanalady.
Mamandardyń aıtýynsha, qazirgi báseńdeý – ýaqytsha qubylys. Jyl sońyna qaraı qurylys materıaldary men suranystyń artýyna baılanysty turǵyn úı baǵasy qaıtadan jyldam ósýi múmkin.