Búgin, 13 tamyzdan bastap elimizde Starlink spýtnıktik ınterneti iske qosyldy. Bul týraly Sıfrlyq damý, ınnovasııalar jáne aeroǵarysh ónerkásibi mınıstrligi habarlady, dep jazady Egemen.kz.
Endi elimizdiń turǵyndary SpaceX kompanııasyna tıesili tómen orbıtaly spýtnıkter jelisi arqyly joǵary jyldamdyqty ári senimdi ınternetke qol jetkize alady.
Osyǵan deıin, 2025 jyldyń 12 maýsymynda Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstrligi men Starlink kompanııasy Qazaqstan zańnamalaryn tolyq saqtaý jóninde ózara kelisimge qol qoıǵan edi. Bul kelisim baılanys pen aqparattyq qaýipsizdikke qoıylatyn barlyq talaptardy qamtıdy.
Starlink-tiń spýtnıktik tehnologııasy eldiń eń shalǵaı, ınfraqurylym jetpegen óńirlerinde de turaqty ınternetpen qamtamasyz etýge múmkindik berip, halyqqa zamanaýı sıfrlyq qyzmetterdi qoldanýǵa jol ashady.