Ishki ister mınıstrliginiń kıberqylmysqa qarsy is-qımyl departamenti men prokýratýranyń úılestirýimen Soltústik Qazaqstan oblysynda Maǵjan Jumabaev aýdanynyń Býlaev qalasynda polıseıler 19 ben 24 jas aralyǵyndaǵy 5 oblys turǵynyn ustaǵan, dep habarlaıdy Egemen.kz.
Polisia.kz saıtynyń habarlaýynsha ustalǵandardyń elimizdiń ár óńirinde, sonyń ishinde Soltústik Qazaqstan oblysynda jasalǵan 8 ınternet-alaıaqtyq deregine qatysy bar ekeni anyqtalǵan, keltirilgen jalpy materıaldyq shyǵyn 38,5 mıllıon teńgeni quraǵan.
«Olardyń basqa da osyǵan uqsas qylmystarǵa qatystylyǵyn tekserý baǵytynda jumys jalǵasyp jatyr jáne oblystyq polısııa departamenti basshylyǵynyń erekshe baqylaýynda tur», dep atap ótti SQO PD kıberqylmysqa qarsy is-qımyl basqarmasynyń bastyǵy Álnur Ahmedıarov.